Lalaratatakeke Lalaratakabum

Lyrics

Lyrics

Lyrics

Lyrics

Lyrics

Lyrics

Persjana tal-lum, javżak bla ma jdum
Il-ħbieb, jekk qamux, fejn qegħdin u ma’ min
Min juri ritratt x’se jiekol fi platt
Kulħadd, fi ftit ħin isir jaf fuq xulxin

Ħasra li ssib min
Mezz jużah ħażin
Wara l-keyboard jgħaddi kollox u kliemu ma jomgħodx
Wisq negattiv
Xi kultant kattiv
U biex jgħid xi ħaġa jikteb fuq in-nies bl-addoċċ

REF: Bil-kelma t-tajba ma troddx ħlief ġid
Billi l-kliem bħaċ-ċirasa ma tgħidx li trid
Mill-ħbieb li jkellmuna le nabbużaw
Biex flok lil ħaddieħor niffastidjaw
Il-ġid nawguraw

Għad-divertiment, mil-lvant u l-punent
Iżżid aktar minn ħabib wieħed fis-suq
Tkun taf il-ġrajjiet tal-aħbarijiet
Mill-grawnd, malajr jgħidlek min qiegħed minn fuq

Qabel kull kumment
Oqgħod ftit attent
Kelma nieqsa aħjar minn żejda, tagħmel żgur suċċess
Għax l-uġigħ iżid
Lill-batut, marid
Min jaf kieku dak li ktibt kien fuq familtek stess?

Wassal ix-xewqat
Taffi l-weġgħat
Aħseb qabel tikkummenta u kun pożittiv

REF: Bil-kelma t-tajba ma troddx ħlief ġid eċċ…

X’tagħmel m’għandekx, poġġejt bilqiegħda
Illoggjajt bdejt tqalleb, ma’ min se tehda?
Il-burdata nzertat waħda mhux mit-tajbin..
Kull m’qed jitla’ quddiemek, qed tara kollox ħażin!!

Il-kuxjenza qed tniggżek, la tkunx negattiv!
Għandek dritt tikkritika basta b’mod kostruttiv,
Jekk l-għeneb ma lħaqtx, qatt tgħid li hu qares,
Għax qares kemm hu qares, aħjar tiekol milli tħares!

Kelma żejda lanqas għall-avukat jaf ma tkun ta’ vantaġġ,
B’kelma tajba jaf bl-aqwa mod twassal messaġġ!
Tinħebiex wara l-liberta` tal-espressjoni,
Minn titlu jew ritratt tasalx għal konklużjoni!

Tiblax kull ma tisma’ u tara fil-midja soċjali..
U attent kif tużaha jaf issir midja letali!!
Qis mitt darba u aqta’ darba! Tiegħek innifsek kun is-sid!
Ftakar li bil-kelma t-tajba ma troddx ħlief ġid…

REF: Bil-kelma t-tajba ma troddx ħlief ġid eċċ…

Lyrics

Jintasbu biswit il-qronfol
Kif tbatti x-xemx sajfija
Daqqet mota l-Ave Maria
Tliet kitarri jintunaw

Mal-ħemda l-ġmiel tan-noti
Titqanqal is-simpatija
Sole Mio, Santa Luċija
Mare Chiare C’est si bon

Tliet kitarri u mandolina
Leħen jidwi filgħaxija
Nostalġija karamelli
Qrib il-Wied tal-Isperanza

(Instrumental)

Il-bniedem li dar id-dinja
U vjaġġa l-ibliet magħrufa
Qasam l-ibħra, ra l-muntanji
Ma jnessukx il-ġmiel dik l-art

Ix-xewqa tal-kuntentizza
Ta’ ħajja mingħajr problemi
Hi l-ħolma li tidwi f’ruħna
Taf tkun qrib bla ma nindunaw

Tliet kitarri u mandolina
Leħen jidwi filgħaxija
Nostalġija karamelli
Qrib il-Wied tal-Isperanza

Raxx ta’ memorji għaddejjin
Donnha x-xita nieżla
Min jaf x’sar minnhom tul is-snin
Kont nieħu gost nisma’

Tliet kitarri u mandolina
Leħen jidwi filgħaxija
Nostalġija karamelli
Qrib il-Wied tal-Isperanza

Synopsis

“Il-bniedem fassal il-ħajja għalih biss. Min jaf kieku l-għasfur kellu s-senter f’idu? Min jaf kieku ż-żiemel isuq il-karozzin hu? Żgur jagħmlu affarijiet differenti milli nagħmluhom aħna. In-natura kapaċi tgħix f’armonija ta’ kuluri u sliem li l-bniedem mhux kapaċi joħloq. Anki l-lingwa stess tpoġġi lilna l-ewwel, nagħmlu li jaqblilna, tellieqa għal min jilħaq l-ewwel għeneb, nimxu bil-ħbieb u nagħmlu li jaqbel lilna u lilna biss. U biex nagħmlu dan ħarbatna d-dinja; baħar kollu plastik, temperaturi jinbidlu u dħaħen fin-nifs li rridu nieħdu aħna stess. Imma xi ħadd daħħalhielna f’rasna li d-dinja tagħna biss… u sakemm nibqgħu nemmnu hekk, is-sitwazzjoni tkompli sejra lura.”